UZ

Сўнгги янгиликлар

19:32Жошуа реванш жанги учун даҳшатли суммага эга бўлади 0 19:10Яна бир россиялик спортчи четлатилди 0 18:40UFC чемпиони судда айбни тан олди 0 18:18«Ливерпуль» футболчиси Гиннесснинг рекордлар китобидан жой олди 0 17:50Ян Cехудони тиз чўктиришга ваъда берди 1 17:29Теннис маликаси миллионерга турмушга чиқмоқда 0 17:06"Ҳумо"га ғалаба тақдим этган ўйиндан голларни томоша қилинг (ВИДЕО) 0 16:41"Барселона" "Манчестер Юнайтед" футболчисини ўз сафига қўшиб олмоқчи 0 16:16Велотрекчиларимиз Осиё чемпионатидаги стартини кутишмоқда 0 15:41Спортчилар ижтимоий тармоқларда 0 15:18ВХЛ. "Ҳумо" лигада қандай ўринда? (турнир жадвали) 0 14:50Роналду инстаграмдаги реклама орқали Мессидан икки карра кўпроқ пул ишлаб топди 0 14:27WТА. Сентябрь ойининг энг яхши теннисчиси маълум қилинди 0 14:05Кроуфорднинг навбатдаги рақиби маълум 0 13:41Қудратилло Абдуқаҳҳоров гонорарлари миқдорини ошкор қилди 3

09 янв 14:14
Янгиликлар

Сузиш

Манғитда замонавий болалар сув спорти саройи қурилди

Қорақалпоғистон Республикасининг Амударё тумани Манғит шаҳридаги Болалар ва ўсмирлар спорт мактаби қошида янгидан қад ростлаган замонавий ёпиқ сув ҳавзаси фойдаланишга топширилди.

Жисмоний тарбия ва спортни ривожлантириш жамғармаси томонидан барпо қилинган ҳудуддаги ушбу бешинчи объектнинг очилиш маросимида давлат ва жамоат ташкилотлари вакиллари, спортчилар, ёшлар, журналистлар иштирок этди.

Мутахассисларнинг фикрича, сузиш инсон организми учун ғоят фойдали. Бу жараёнда танадаги барча мушаклар фаол ҳаракат қилади, чиниқади. Натижада қон айланиш тизими яхшиланади. Сузиш, айниқса, ёш организмга қувват беради, иммунитетни мустаҳкамлайди. Сувда сузган кишининг асаблари тинчланиб, кайфияти кўтарилади. Шу боис, 2017-2021 йилларда биргина Қорақалпоғистон Pеспубликасининг 11 та туманидаги болалар ва ўсмирлар спорт мактаблари қошида ёпиқ сув ҳавзаларини янгидан қуриш режалаштирилган.

Ўзбекистон Республикаси Вазирлар Маҳкамасининг 2018 йил 2 июндаги тегишли қарори асосида Жисмоний тарбия ва спортни ривожлантириш жамғармасининг манзилли дастурига Қорақалпоғистон учун 5 та объект киритилган эди. Ушбу ҳужжат асосида Қораўзак, Чимбой, Элликқалъа туманлари ва Нукус шаҳрида замонавий ёпиқ сув ҳавзалари қурилди.

– Амударё туманида 2018 йил июнь ойида бошланган ушбу объект қисқа муддатларда сифатли қуриб битказилди, – дейди Қорақалпоғистон Республикаси жисмоний тарбия ва спорт вазири ўринбосари Қаҳрамон Реймов. – Ушбу ёпиқ сув ҳавзасининг смета баҳоси 4 миллиард 876 миллион сўм. Объектда 11х25 метр ўлчамдаги сузиш ҳавзаси, мураббий ва шуғулланувчилар учун ювиниш, кийиниш, дам олиш хоналари ҳамда томошабинлар учун ўриндиқлар мавжуд.

Мазкур сузиш ҳавзасининг фойдаланишга топширилиши туман ёшлари учун қувончли воқеа бўлди. Эндиликда Болалар ва ўсмирлар спорт мактабида сузиш тўгараги ташкил этилиб, ҳудудда сув спорти турларини оммалаштириш, ёшларнинг соғлом улғайиши учун янада кенг шароит яратилади.

Тадбирда Ўзбекистон Pеспубликаси жисмоний тарбия ва спорт вазири Д.Набиев иштирок этди. 

 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг