01 ноя 07:20
Янгиликлар

Теннис

Марин Чилич St.Petersburg Open ғолиби

Россиянинг Санкт-Петербург шаҳрида ўтказилган теннис бўйича нуфузли ATP турнири ўз якунига етди.

Мусобақанинг ҳал қилувчи финал учрашувида дунёнинг 35-ракеткаси бўлиб турган хорватиялик Марин Чилич рейтингда ўзидан етти поғона юқорида турган америкалик Тэйлор Фритцга қарши кортга чиқди ва рақибини уч сет натижасига кўра мағлуб этди - 7/6(3), 4/6, 6/4.

Икки соату 25 дақиқа давом этган баҳсда Марин 12, Тэйлор эса 10 та эйс зарбасини амалга оширган. Теннисчиларнинг ўзаро учрашувларидаги ҳисоб мувозанати тикланди - 1:1.

Санкт-Петербургдаги муваффақиятли иштирок Чиличга 250 рейтинг очкоси ҳамда 84,720 доллар мукофот пули келтирди. Бу хорватияликнинг мавсумдаги иккинчи, фаолиятидаги 20-соврин бўлди. Фритц эса бу турнирдан 150 очко ва 60,740 доллар ишлаб олди.