Мариус Визер Тошкент "Катта Дубулға" турнири ташкилотчилигига юқори баҳо берди

Бу жараёнда Жисмоний тарбия ва спорт вазирлиги Ўзбекистон Миллий олимпия қўмитаси ҳамда спорт федерациялари билан ҳамкорликда Халқаро спорт ташкилотлари билан дўстона алоқаларни мустаҳкамлашга алоҳида эътибор қаратилмоқда. Кеча якунига етган дзюдо бўйича "Катта Дубулға" халқаро турнири ҳам бунинг ёрқин исботидир.

Уч кун давомида ушбу нуфузли мусобақада дунёнинг 71та давлатидан келган 500 нафардан зиёд спортчилар ғолиблик учун ўзаро баҳс олиб боришди.

Хабарингиз бор, пойтахтимиз мезбонлик қилган "Катта Дубулға" халқаро турнирида Халқаро дзюдо федерацияси (IJF) президенти жаноб Мариус Визер ҳам иштирок этди.

Ташриф давомида жаноб Визер ўзбекона меҳмондўстлик учун миннатдорлик билдирар экан, Тошкент "Катта Дубулға" халқаро турнирининг ташкилий жиҳатларига жуда юқори баҳо берди.

Ўз навбатида Р.Эрматов Халқаро дзюдо федерациясига ҳамкорлик учун ташаккур изҳор қилиб, юртимиз IJF билан дўстона алоқаларнинг янада мустаҳкамланишига умид боғлашини, келгуси йил Тошкентда бўладиган Жаҳон чемпионати баҳсларини ҳам бунданда юқори савияда ташкил этилишини таъкидлади.