Мария Майамида муваффақиятли старт олди

Дунёнинг тўққизинчи ракеткаси бўлиб турган Мария Саккари ушбу нуфузли мусобақадаги иштирокини ғалаба билан бошлаб олди. Иккинчи даврадан баҳсларга қўшилган грециялик теннис маликаси WTA рейтингида 37-поғонада бораётган хитойлик Юань Юэдан икки сетда ҳам бир хил ҳисобда устун келди - 6/2, 6/2. 

Теннисчиларнинг ўзаро ўтказилган иккинчи учрашувида ҳам Мария зафар қучди. Саксон дақиқа давом этган баҳсда иккала теннис маликаси ҳам 2 тадан эйс зарбасини амалга оширган. Брейклар масаласида Саккари устун - 5 га 1.