01 авг 16:05
Янгиликлар
Теннис
Мария Шарапова: “Барчангизни бағримга босишни хоҳлайман”
Россиялик теннис маликаси Мария Шарапова (WC) АҚШнинг Стэнфорд шаҳрида давом этаётган турнирдаги иштирокини ғалаба билан бошлаган эди.
Мусобақанинг асосий тўр баҳсларига имтиёзли йўлланма асосида қўйилган Шарапова илк даврада америкалик Женнифер Брэйдини 6:1, 4:6, 6:0 ҳисобида мағлуб этганди. Учрашувдан сўнг у ўз фикрини баён қилди.
“Ҳозир мен шунчаки барчангизни бағримга босгим келяпти. Бугун мени қўллаб-қувватлаганингиз учун раҳмат айтмоқчиман. Катта танаффусдан сўнг АҚШ кортларида ҳаракат қилиш мен учун шараф”, - деди Шарапова.
Маълумот учун, россиялик теннис юлдузи турнирнинг иккинчи босқичида еттинчи рақам остида ҳаракат қилаётган украиналик Леся Цуренкога қарши кортга чиқади.
Ҳавола :
Фикрлар