Мария Шарапова “рус дербиси”да ғалабага эришди

Соврин жамғармаси 6,38 миллион долларни ташкил қилувчи мусобақада Мария Шарапова ҳам муваффақиятли иштирок этяпти. Россиялик теннис маликасининг кичик жароҳатдан сўнг яна кортга қайтганлиги эътиборга молик ҳолат.

Дунё рейтингида 104-ўринни эгаллаб турган Шарапова илк даврада дунёнинг 18-ракеткаси латвиялик Анастасия Севастовани 7:6(3), 5:7, 7:6(7) ҳисобида мағлуб этганди. Бугун у иккинчи босқичда ҳамюрти Екатерина Макаровага қарши кортга чиқди.

Екатерина WTA рейтингида 35-ўриндан жой олган. Икки соату 12 дақиқа давом этган учрашувда Мария 8 та эйс зарбаси эвазига Макаровани 6:4, 4:6, 6:1 ҳисобида таслим этди. Энди у нимчорак финалда турнирнинг иккинчи ракеткаси руминиялик Симона Халеп билан тўқнаш келади.