19 ноя 10:46
Янгиликлар

Теннис

Маррей иккинчи бор ўз мураббийи билан хайрлашди

Дунёнинг собиқ биринчи ракеткаси Энди Маррей мураббийи Иван Лендл билан ҳамкорликни тўхтатганини маълум қилди.

Ўзаро ҳамкорликдаги давр мобайнида шотландиялик теннисчи “Катта Дубулға” туркумига кирувчи 3 та турнирда бош мукофотни қўлга киритди. Олимпиада чемпиони бўлди ва йилнинг Якуний мусобақасида зафар қучди. Дунёнинг биринчи ракеткасига айланди.

“Биргаликдаги фаолият учун Иванга ўз миннатдорчилигимни билдираман. Биз катта ютуқларга эришдик. Бу муваффақиятларимда мураббийнинг хизматлари катта бўлди. Ҳозир жароҳатдан тикланиш жараёни кетяпти. Бор эътибор Австралиядаги турнирларга қаратилади”, – деди дунё рейтингида 16-ўринни эгаллаб турган Маррей.