Машғулотлар марказда давом этмоқда ФОТОРЕПОРТАЖ

Ўзбекистон дзюдо федерацияси қошидаги замонавий спорт залида ўтказилаётган машғулотларда терма жамоанинг барча аъзолари иштирок этяпти. Мураббийлар йиғинга асосий таркиб билан бирга терма жамоага номзод дзюдочилар, сўнгги Ўзбекистон чемпионатида ғолиб бўлган полвонларни ҳам жалб этишган. 

Бу ўз ўрнида терма жамоада рақобатни янада ошириб, ҳар бир дзюдочининг ҳаракат ва ишчанлигининг ошишига хизмат қилади. Машғулотларни шахсан бош мураббий Илиас Илиадиснинг ўзи ўтказяпти. Унга япониялик мутахассис Тому Тори, мураббийлар Бекзод Тўрабоев, Ўктам Раҳмонов, Камол Мурадов кўмак беряпти.