25 дек 11:41
Янгиликлар

Оғир атлетика

Машҳура Рустамова — Qatar Cup вице чемпионига айланди

Дохада оғир атлетика бўйича 10th Qatar Weightlifting Cup турнири якунига етиб бормоқда.

Кеча аёллар ўртасида –77 кг вазн тоифасидаги баҳслар ҳам якунига етди.

Ушбу вазн тоифасида юртимиз шарафини ҳимоя қилган Машҳура Рустамова даст кўтаришда 86 кг, силтаб кўтаришда 111 кг натижа қайд этди. Спортчимиз икки кураш якунларига кўра, жами 197 кг натижа билан ҳар уччала йўналишда ҳам мусобақанинг кумуш медалига сазовор бўлди.

Машҳура Рустамованинг чиқишидан сўнг Ўзбекистон терма жамоасининг мусобақада қўлга киритган медаллари сони 14 тага етди.