06 апр 11:16
Янгиликлар

Бокс/ММА

Масвидаль нима учун UFC рейтингига аҳамият бермаслигини тушунтирди

Хорхе Масвидаль UFC 287 турниридан олдин медиа кунида иштирок этди.

UFC чемпионлиги учун икки карра даъвогар, америкалик Хорхе Масвидаль нега уни дивизион рейтингидаги ўрни қизиқтирмаётганини тушунтирди.

"Колби ҳеч қачон пулли трансляцияларни 300 000 долларга сотмаган. У буни мен билан жанг қилгандагина амалга оширган, ҳаммасига мен сабабчиман. Леон ҳам кассабоп жангчи эмас.

Мен ва Леон чемпионлик учун курашамиз. Кейин эса, Усман ва Колбилар билан жангга тайёрланаман. Агар мен PPV (Пулли трансляциялар) қироли бўлсам, рейтинглар муҳим эмас. Мен ўз ишимни бажараётганимда, рейтинглар ҳақида ўйламаслигим керак", - дея Масвидалнинг сўзларидан иқтибос келтиради Sporting News нашри.

Аввалроқ Масвидаль ўз интервьюсида ташкилотнинг юлдузли истиқболи Хамзат Чимаевни танқид қилган эди.