11 июл 09:12
Янгиликлар

Бокс/ММА

Масвидаль — Усман жанги ғолиби Бёрнсга қарши октагонга чиқади

Бизнинг вақт билан эртага тонгда ўтказиладиган Камару Усман — Хорхе Масвидаль жанги ғолиби кимга қарши октагонга кўтарилиши маълум қилинди.

UFC президенти Дэна Уайтнинг айтишича, ушбу жуфтлик ғолиби кейинги жангини ярим ўрта вазн тоифаси рейтинги пешқадами Гилберт Бёрнсдан камарини ҳимоя қилади.

"Гилберт Бёрнс Камару Усман — Хорхе Масвидаль жанги ғолиби билан тўқнаш келади. Гилберт рейтингда биринчи ўринни эгаллаб турибди, демак айнан у чемпионлик камарига биринчи даъвогар бўлади. Бу йигит ғалабага чанқоқ. Унинг мақсади битта - чемпион бўлиш!", — деди Уайт.

Эслатиб ўтамиз, аслида Камару Усман эртанги жангида айнан Бёрнсга қарши октагонга кўтирилиши лозим эди. Аммо, жангга бир ҳафта қолганида Гилбертда коронавирус аниқланди. UFC эса бу вазиятда Усманга рақиб сифатила Хорхе Масвидални топди.