Махачев энг қизиқарли рақибни эълон қилди

Россиялик аралаш яккакураш устасининг навбатдаги рақиби Иан Мачадо Гарри бўлиши ҳақида ҳеч қандай тасдиқ йўқ. Ислам Жек Делла Маддалена устидан ёрқин ғалаба қозонган бразилиялик Карлос Пратеснинг даъвогарлар пойгасида ирландияликни ортда қолдириши мумкинлигини истисно этмаяпти.

"Ҳа, албатта, жангни жонли эфирда кўрдим. Маддалена ўзини қўлга ола билмади, балки мағлубиятдан узоқлаша олмади. Пратес эса ажойиб жанг кўрсатди. UFC менга ҳали ҳеч нарса айтмади, лекин Иан Гарри билан жанг қилишим ҳақида кўплаб миш-мишлар бор, гарчи мен ҳали бу жанг ҳақида расмийлар билан гаплашмаган бўлсам ҳам. Айнан у даъвогар бўлиши керак деб ишонч билан айта олмайман.

Ҳозир менда уч-тўрт даъвогар бор. Камару Усман узоқда эмас, Иан Гарри, Майкл Моралес, Карлос Пратес, Шавкат Раҳмонов ва яна бешинчи – UFC танлаган биттаси билан жанг қилишим мумкин. Қолган икки жуфтлик эса ҳақиқий даъвогар кимлигини ўзаро аниқлашлари керак. Ўйлайманки, ҳозир Пратес кўпроқ шов-шувда, кўпроқ миш-мишларда - у билан жанг қолганларга қараганда қизиқарлироқ бўларди", - деди россиялик чемпион Red Corner MMA нашрига берган интервьюсида.

Маълумотларга кўра, Ислам Махачев 15 август куни Филадельфияда бўлиб ўтадиган UFC 330 турнирида ярим ўрта вазн тоифасидаги чемпионлик камарини ҳимоя қилади.