28 дек 14:47
Янгиликлар

Бокс/ММА

Махачев Фахретдиновнинг UFC’дан ҳайдалиши ҳақида: "Ғалаба қозониб, жим турадиган йигитлар керак эмас"

Теглар : Ислам Махачев Ринат Фахретдинов

Ярим ўрта вазн тоифасида UFC чемпиони Ислам Махачев мағлубияти бўлмаса-да, Дана Уайт промоушени рўйхатидан чиқарилган Ринат Фахретдинов ҳақида гапирди.

"Ринат - яхши жангчи, катта маҳоратга эга, аммо UFC’га сотиш мумкин бўлган, устида пул ишлаш мумкин бўлган жангчилар керак. Ринат шунчаки чиқиб, ғалаба қозонарди...

Мен ҳатто залдаги йигитларга ҳар доим таъкидлаб гапираман: "UFC’га ҳаммани ютиб, жим ўтирадиган йигитлар керак эмас. Инглиз тили ўрганинг. Ўзингизни пуллашни ўрганинг, оммага қизиқ бўлишни ўрганинг. Бутун Америка WWE курашини яхши кўради. Биз у ерда нима бўлаётганини, у ерда ҳамма нарса қандай ташкил этилганини тушунамиз. Лекин улар шоуни яхши кўришади. Ва бунинг учун шунчаки шоу қилишни ўрганиш керак", - деди Махачев "Ушатайка" YouTube-каналига берган интервьюсида.

Шу ҳафта аввалида Ринат Фахретдинов 6 ғалаба ва 1 дурангига қарамай, UFC жангчилари ростеридан чиқарилган эди.