Махачев Гэррини энг хавфли рақиб деб ҳисобламайди

"Бу фаолиятимдаги энг катта синов эмас, — деди Махачев журналистларга. — У шунчаки яхши жангчи. Унинг маҳорати юқори, лекин ҳамма менинг услубимни билади, кўрамиз, у бунга қанчалик тайёр экан. Бу яхши жанг бўлади. Унинг тейкдаунлардан ҳимояси яхши эканини кўрдим. Менда уни осон мағлуб этишнинг калитлари бор".

Гэррининг ғалаба қозониш имкониятлари унинг стойкадаги (тик турган ҳолдаги) ҳаракати, антропометрияси ва зарба бериш техникаси билан боғлиқ. Бироқ чемпион ҳар қандай сценарийга тайёр, гарчи кураш орқали ғалабага эришиш осонроқ бўлишини тушуниб турса ҳам.

"Албатта, мен уни стойкада ҳам енга оламан. Волкановски ва Дастин Порьега қарши жангларимга қаранг. Мен исталган одам билан зарбалар алмашишим мумкин, — деди Махачев. — Лекин зарбалар алмашган жангларим энг оғири бўлиб чиққан. Агар кураш иш бермаса, мен исталган рақиб билан зарбалар алмаша оламан. Аммо агар осон ғалаба қозонишни истасам, уларни йиқитиб, жангни муддатидан аввал якунлашим керак".

Шунингдек, Махачев Гэррининг "унинг олдинги рақиблари россиялик жангчининг рақибларидан кучлироқ бўлган" деган гапларига эътибор бермади.

"У барча жангларини бир хил ўтказади. Шунчаки чекинади ва очколар эвазига ғалаба қозонишга ҳаракат қилади. У охирги марта қачон муддатидан аввал ғалаба қозонганини эслай олмайман, — деб таъкидлади Махачев. — У кучли рақибларга шунчаки ютқазади. Худди Шавкат Раҳмонов билан тўқнашганидаги каби. Ҳаммаси шу".