Махачев – Нурмагомедовнинг UFC`га ўтиши ҳақида: "Усмон Топ-10 рақиб билан жанг қилади"

"Юз фоиз кафолат бера олмайман, лекин тўқсон фоиз ишончим комилки – ҳа! Усман аллақачон ўсиб улғайди, ҳатто ўз даражасидан ҳам ошиб кетди, PFL`даги реванш жангларини томоша қилиш эса кўпчиликка қизиқ эмас. Ҳозирги вақтда энг тўғри йўл – UFC`га ўтиш ва дивизиондаги шунча хавфли йигитлар орасида дунёдаги энг яхшиси эканлигини исботлашдир.

Ўйлайманки, Усман кучли ўнликдан рақиб олади ва агар ўзини жуда яхши кўрсатса, кейинги жангида чемпионлик учун курашиши мумкин. Ҳозирги вақтда бу вазн тоифасида даъвогарлик жанги белгиланган – Царукян ва Руффи тўқнашуви. Улардан ким ғолиб чиқса, камар учун жанг қилади, Усман эса дебютида ишончли ғалаба қозонса, навбатдаги даъвогарга айланиши мумкин", – деди UFC чемпиони "Матч ТВ"га берган интервьюсида.

Жорий йилнинг июнь ойида енгил вазн тоифасида PFL чемпиони бўлган мағлубиятсиз Усман Нурмагомедов ташкилот билан амалдаги шартномаси доирасидаги сўнгги жангини ўтказиб, америкалик Арчи Колганни нокаутга учратди ва эркин агентга айланди.