Махачев Оқ уйдаги UFC турнирининг энг қизиқарли жангини айтди

Аҳамияти жиҳатидан турнирнинг иккинчи жанги оғир вазн тоифасида Сирил Ган ва Алекс Перейра ўртасида вақтинчалик чемпионлик камари учун кечади. Айнан мана шу тўқнашувни Ислам UFC Freedom 250 турнирининг энг қизиқарли кечиши кутилаётган жанги деб кўрмоқда. 

"Мен Перейра-Ганнинг жангини кўрган бўлардим. Бу қизиқ. Сирилнинг иккита варианти бор - агар у қўрқмасдан жанг қилса, ижобий натижага эришади. Лекин психологик жиҳатдан мослаша олмаса, натижа акси бўлиши мумкин. Биз ҳам шундай ҳолатларни кўрганмиз. Агар Сирил тайёр бўлса, у масофада тажрибали зарбдор каби хотиржамлик билан Перейрани мағлуб этади. Аммо Перейра ҳам ҳаракат қиляпти - бир зарба ва у ҳаммасини ёпиб қўйиши мумкин. Шунинг учун бу жанг менга услубий жиҳатдан қизиқарли. Ган уни масофада ушлаб тура оладими?", – деди россиялик аралаш яккакураш устаси Адам Зубайраевга берган интервьюсида.