31 мар 15:13
Янгиликлар

Теннис

Майами. Александр Зверев Каспер Руудга ютқазди. Рууд ярим финалда!

АҚШнинг Майами шаҳрида бўлиб ўтаётган "Мастерс" турнири ўзининг қизғин палласига кириб улгурди.

АТР рейтингида тўртинчи ўринни эгаллаб турган германиялик Александр Зверев «Мастерс» турнирининг чорак финалида жаҳоннинг саккизинчи ракеткаси, норвегиялик Каспер Руудга 3/6, 6/1, 3/6 ҳисобида мағлуб бўлди ва мусобақа билан шу ерда хайрлашди.

Учрашув 1 соату 39 дақиқа давом этди. Ушбу вақт давомида Зверев 10 та эйс зарбасини амалга оширди, иккита брейк қайд этиб, бир маротаба қўшхатога йўл қўйди. Рууд эса олтита эйс қайд этиб, иккита брейкдан унумли фойдаланди, тўпни ўйинга киритишда хатога йўл қўймади. Спортчилар ўртасидаги қарама-қаршиликда Александр олдинда - 2:1.

Рууднинг Miami Open турнири ярим финалдаги рақиби аргентиналик Франциско Черундоло бўлади.