«Майами» «Филаделфия»ни мағлуб этиб, NBA Шарқий конференцияси финалига чиқди

Учрашув Филаделфиядаги «Wells Fargo Center» аренада бўлиб ўтди ва 99:90 ҳисобида меҳмонларнинг ғалабаси билан якунланди.

Шу тариқа, сериядаги ҳисоб 4:2 кўринишига келиб, «Майами» фойдасига ҳал бўлди ва жамоа Шарқий конференция финалига йўл олди.

Конференция финалида «Майами» «Бостон Селтикс» – «Милуоки Бакс» жуфтлиги ғолиби билан ўйнайди. Айни дамда ушбу жамоаларнинг қарама-қаршилигидаги ҳисоб 3:2 бўлиб турибди, «Милуоки» фойдасига.

Эслатиб ўтамиз, «Майами» чорак финал сериясида «Атланта Хокс»ни 4:1 ҳисобида мағлуб этган, «Филаделфия» эса «Торонто Рэпторс»дан (4:2) устун келганди.