Майами "Мастерс". 27 та эйс Хуркачга ғалаба келтирди

Мукофот жамғармаси 8,9 миллион АҚШ долларини ташкил этган мусобақанинг иккинчи даврасида дунёнинг 9-ракеткаси бўлиб турган польшалик Хуберт Хуркач ATP рейтингида 58-поғонадан жой олган қозоғистонлик Александр Шевченкони 6:4, 6:7 (2:7), 6:3 ҳисобларида таслим этди. 

Бир дақиқаси кам икки соат давом этган баҳсда ўзбек теннис мухлисларига "Ҳумо Арена"даги ўйини орқали яхши таниш бўлган Хуркач оз эмас, кўп эмас 27 та эйс зарбани амалга оширди. Шевченкода бу статистика 4 тани ташкил қилди.