27 мар 07:22
Янгиликлар

Теннис

Майами "Мастерс". Медведев чемпионлик ҳимоясини давом эттирмоқда

Дунёнинг тўртинчи ракеткаси Даниил Медведев Майамида давом этаётган "Мастерс" сериясига кирувчи турнирнинг 1/4 финалчисига айланди.

Россиялик теннисчи тўртинчи даврада ATP рейтингида роппа-роса 50-ўринни эгаллаб турган германиялик Доминик Кёпферни мағлубиятга учратди - 7/6(5), 6/0. Теннисчиларнинг ўзаро учрашувларидаги ҳисоб йириклашди - 3:0.

Тўқсон бир дақиқа давом этган баҳсда Медведев 7, Кёпфер 5 та эйс зарбасини амалга оширган. Қўшхатолар олмон теннисчисида кўпроқ бўлди - 2 га 1. Брейкларда табиийки, Даниил устунлик қилди - 4 га 1. Қизиғи, Медведев биринчи сетнинг тай-брекида 0:4 ҳисобида ютқазаётганди.