Майдзурудаги йиғин якунланди, дзюдочиларимиз эртага Токиога кўчиб ўтишади ФОТОГАЛЕРЕЯ

Хабар берганимиздек, ушбу йиғин Ўзбекистон миллий олимпия қўмитаси ҳамда Япониянинг Майдзуру мэрияси ўртасида имзоланган Меморандум асосида ташкил этилди ва терма жамоамиз учун айнан Кунчиқар юртда ўтказиладиган Жаҳон чемпионатига сўнгги тайёргарлик босқич вазифасини ўтаб берди. 

Бир неча дақиқа аввал дзюдочиларимиз Майдзурудаги сўнгги кун машғулотини ўтказишди ва шу билан бир ҳафталик йиғинга якун ясалди. Мезбонлар кўтаринки кайфиятда жамоамиз аъзоларини кузатиб қўйишди. Эртага терма жамоамиз делегацияси Майдзурудан тезкор поездда пойтахт Токиога йўл олади. 

Эслатиб ўтамиз, дзюдо бўйича Жаҳон чемпионати 25-31 август кунлари ушбу спорт тури ватани - Японияда бўлиб ўтади. Жаҳон чемпионати ғолиблари Токио Олимпиадасига 2000 рейтинг очкосини қўлга киритишади.