24 янв 13:19
Янгиликлар

Бокс/ММА

Майк Тайсон севимли UFC жангчиси кимлигини айтди. У ҳозирги юлдуз эмас

Америкалик афсона ММА'даги энг яхши жангчилардан бирининг номини айтди.

Промоушеннинг кўплаб жангчилари билан яхши муносабатда бўлган 55 ёшли мутахассиснинг айтишича, унинг энг севимли яккакураш устаси Ройс Грейси.

"Мен Грейсини доим яхши кўрганман. У ҳамма билан дўст эди ва у барча Голиафларни мағлуб этувчи Дэвид эди. Аммо, энди ҳамма унинг услубини билади", - деди Тайсон ўз интервьюсида.

Эслатиб ўтамиз, Ройс Грейси аралаш яккакурашлар бўйича бразилиялик жангчи, жиу-житсу устаси, UFC шон-шуҳрат залига киритилган.

Унинг биринчи ғалабаси 1993 йилда UFC1: Тhe Begining мусобақасида қўлга киритилган. Шундан сўнг у кетма-кет 10 та ғалабага эришди. Ўша пайтда Тайсон фаолиятининг энг чўққисида эди.