11 июн 18:48
Янгиликлар

Бокс/ММА

Майкл Пейж ва Жаред Каннонир Нурсултон Рўзибоев билан бир оқшомда жанг қилиши мумкин

17 август куни Чикаго (АҚШ) шаҳрида бўлиб ўтадиган UFC 319 турнири учун навбатдаги жанг маълум қилинди.

Унга кўра, британиялик аралаш якка кураш устаси Майкл Пейж UFC 319 доирасида америкалик Жаред Каннонир билан баҳс олиб боради. Бу ҳақда инсайдер Реал Кевин ижтимоий тармоқлар орқали хабар берди.

Маълумот учун, Пейжнинг ҳисобида 23 ғалаба ва учта мағлубият бор. Каннонир эса фаолияти давомида 18 ғалаба ва 8 та мағлубиятни ўз ҳисобида ёздириб қўйган.

Аввалроқ, UFC 319 турнири доирасида ўзбекистонлик Нурсултон Рўзибоевнинг АҚШ вакили Брайан Баттл билан жанг қилиш ҳақида хабар бергандик.