01 июн 13:11
Янгиликлар
Баскетбол
МБАда плей-оффнинг финал иштирокчилари маълум бўлди
Миллий баскетбол ассоциациясининг 2024/2025 йилги мавсуми барча плей-офф финал босқич иштирокчилари аниқланди.
"Индиана Пэйсерс" жамоаси Шарқий конференциянинг олтинчи финал учрашувида "Нью-Йорк Никс" клубини 125:108 ҳисобида мағлубиятга учратди. Бу билан "Индиана" умумий сериядаги ҳисобни 4-2 кўринишига келтирди.
Шу тариқа, "Пэйсерс" финалда бош соврин учун Ғарбий конференция ғолиби "Оклахома-Сити Тандер" жамоасига қарши паркетга чиқади. "Оклахома" "Миннесота Тимбервулвз" клубига қарши кечган серияда умумий 4-1 ҳисобида зафар қучганди.
"Оклахома" ва "Индиана" жамоалари ўртасидаги финалнинг биринчи учрашуви бизнинг вақт билан 6 июнь тонггида Оклахома-Сити шаҳрида бўлиб ўтади.
Ҳавола :
Манба : championat.com
Фикрлар