МДҲ ўйинларида иштирок этган 25 боксчимизнинг барчаси медалга эга чиқди

МДҲ ўйинларида бокс бўйича баҳслар ўз якунига етди. Кеча мусобақа доирасида қизларимиз 6 та олтин, 2 та кумуш ва 4 та бронза медалларини қўлга киритиб, умумжамоа ҳисобида биринчи бўлганликлари ҳақида хабар қилгандик. 

Бугун эркаклар ўртасида ҳам баҳслар ўз якунига етди. Қувонарлиси, йигитларимиз ҳам муваффақиятли юришни давом эттириб, 7 та олтин ва 6 та бронза медалини қўлга киритишди ва умумжамоа ҳисобида биринчи ўринни эгаллашди.

Терма жамоамиз сафидаги совриндорлар рўйхати билан танишинг: 

Эркаклар:

Олтин: 

-54 кг:  Самандар Олимов

-60 кг:  Абдуллох Мадаминов

-63,5 кг:  Бобурбек Бобожонов

-71 кг:  Шавкатжон Болтаев

-75 кг:  Фазлиддин Эркинбоев

-80 кг:  Жавохир Умматалиев

-92 кг:  Халимжон Мамасолиев

Бронза: 

-48 кг:  Собиржон Тастанов

-51 кг:  Миралижон Мавлонов

-57 кг:  Шохрух Абдумаликов

-67 кг:  Муродбек Бахриддинов

-86 кг:  Абдулазиз Абдураҳмонов

+92 кг:  Равшанжон Солиев.

Қайд этиш лозимки, мусобақада Ўзбекистон бокс терма жамоаси 25 боксчи (12 нафар қиз, 13 нафар йигит) билан иштирок этди. Уларнинг барчаси Ўзбекистон делегацияси ҳисобига медаль қўшиб қўя олишди.