МДҲ ўйинларига тайёргарлик давом этмоқда ФОТОРЕПОРТАЖ

Илк бор ўтказилаётган мусобақада МДҲга аъзо Россия, Арманистон, Озарбайжон, Молдова, Беларусь, Қозоғистон, Қирғизистон, Тожикистон, Туркманистон ва Ўзбекистондан 14 ёшдан 23 ёшгача бўлган жами 1 500 нафар иштирокчи 16 спорт турида медаллар учун баҳсларга киришади.

Шу кунларда Биринчи МДҲ ўйинларида иштирок этадиган дзюдочиларимиз Тошкентда терма жамоа мураббийлари Улуғбек Азизов, Камол Муродов, Рафгат Измайлов ва Муқаддас Кубеева бошчилигида кунига икки маҳалдан машғулотларга зўр берган. 

Таркибдан Музаффарбек Тўрабоев, Дилшодбек Йўлдошев, Жалолиддин Бойназаров, Шоҳруҳхон Бахтиёров, Ирисхон Қурбонбоева, Шукуржон Аминова, Фарангиз Ҳожиева сингари IJF мусобақаларида қатнашишга улгурган ёш дзюдочиларимиз бор. Терма жамоамиз делегацияси 7 сентябрь куни Қозонга йўл олади.