Медведев - Мальоркада тенгсиз + ФОТО

Mallorca Championships турнирининг ҳал қилувчи финал учрашувида дунёнинг иккинчи ракеткаси бўлиб турган россиялик Даниил Медведев рейтингнинг 60-поғонасидан жой олган америкалик Сэм Куэррига қарши кортга чиқди ва ғалаба қозонди - 6/4, 6/2. Теннисчиларнинг ўзаро иккинчи учрашувида ҳам Даниил зафар қучди. 

Бир соату 2 дақиқа давом этган баҳсда Даниил 10 та, Сэм эса битта кўп - 11 та эйс зарбасини ижро этган. Бу Медведев учун мавсумдаги иккинчи, фаолиятидаги ўн биринчи соврин бўлди. Мальоркадаги муваффақиятли иштирок унга 70,620 евро мукофот пули ҳамда 250 рейтинг очкосини тақдим этди.