15 июн 12:46
Янгиликлар

Теннис

Mersedes Cup. Бироздан сўнг Истомин - Пуиль учрашуви бошланади

Германиянинг Штутгарт шаҳрида теннис бўйича нуфузли “Mersedes Cup” турнири давом этмоқда.

Майсали кортлардаги ушбу мусобақада ҳамюртимиз Денис Истомин ҳам муваффақиятли одимлаяпти. Мамлакатимизнинг биринчи ракеткаси дастлабки икки босқичда рейтингда ўзидан юқорида турган рақибларини мағлубиятга учратиб чорак финалга йўл олганди.

Бироздан сўнг Истомин ярим финал чиптаси учун турнирда иккинчи рақам остида таснифланган франциялик Лукас Пуилга қарши кортга чиқади. Бу баҳснинг Тошкент вақти билан соат 14:00да бошланиши белгиланган.

Дунё рейтингида 17-ўринни эгаллаб турган Пуиль иккинчи босқичда ATP рейтингида 303-поғонадан жой олган германиялик Рудолф Моллекерни 6:3, 6:4 ҳисобида енгди. Денис ва Лукас шу кунгача ҳали кортда ўзаро тўқнаш келишмаган.