13 июн 11:19
Янгиликлар

Теннис

Mersedes Cup. Бугун Истомин яна бир олмон теннисчисига қарши кортга чиқади

Германиянинг Штутгарт шаҳрида теннис бўйича нуфузли Mersedes Cup турнири давом этмоқда.

Хабар берганимиздек, ушбу мусобақада мамлакатимизнинг биринчи ракеткаси Денис Истомин ҳам муваффақиятли иштирок этяпти. Ҳамюртимиз кеча биринчи давра учрашувида мезбон теннисчи, турнирда 5-рақам остида сараланган Филипп Кольшрайберни 7:6(2), 7:6(3) ҳисобида мағлуб этганди.

Бугун Истомин иккинчи босқичда яна бир германиялик теннисчи Флориан Майерга қарши кортга чиқади. Бу учрашув Тошкент вақти билан соат 16:30да бошланиши белгилаб қўйилган. Икки теннисчи шу кунгача ўзаро уч маротаба тўқнаш келган ва уларнинг барчасида Денис ғалаба қозонган.

Таққослаш учун, Денис Истомин дунё рейтингида роппа-роса 100, Филипп Кольшрайбер 22, бугунги рақиб Майер эса 85-ўринни эгаллаб турибди.