07 ноя 08:20
Янгиликлар

Футбол

Месси “Барселона” либосидаги 500-голини киритди!

“Барселона” сардори Лионель Месси жамоаси либосидаги ўзининг юбилей 500-голини киритишга муваффақ бўлди.

Лео кеча оқшом “Севилья”га қарши кечган учрашувнинг 43-дақиқасида Неймарнинг тўп узатишидан сўнг рақиб дарвозасини ишғол қилди. Айнан мана шу гол 500-гол сифатида тарихга кирди.

Ана шу голларнинг 320тасини Месси Испания чемпионатида киритган. Унинг мамлакат кубоги баҳсларидаги голлари сони 51та, Еврокубоклардагиси 98та, ўртоқлик ўйинларидаги голлари 31тани ташкил қилмоқда.