Месси клублар миқёсидаги халқаро ўйинларда 100та гол киритган илк футболчи

Аргентиналик юлдуз Европа чемпионлар лигасининг гуруҳ босқич 5-туридан ўрин олган “Селтик”га қарши учрашувда ўзининг 99, 100-голларини киритди.

Месси ана шу 100та голидан 92тасини ЕЧЛ учрашувларида, 5тасини клублар ўртасидаги Жаҳон чемпионатида, 3тасини эса Европа Суперкубоги ўйинларида киритган. Леога рақиблар дарвозасини 100 бор ишғол қилиш учун 119та ўйин керак бўлди.

Бу борада иккинчи ўринни “Реал” ҳужумчиси Криштиану Роналду банд этган. Португалиялик футболчининг ҳисобида 99та гол бор. Мессидан фарқли равишда у бу голларини “Спортинг”, “Манчестер Юнайтед” ва “Реал” клублари сафида киритган. 99та гол уриш учун Роналдуга 141та ўйин керак бўлган.