Мессининг "Интер Майами" билан янги шартномаси бўйича маоши маълум бўлди

Бу маълумот mlsplayers.org сайтида эълон қилинган ҳисоботда келтирилган.

Аргентиналикнинг 2026 йилги мавсум учун маоши 28,3 миллион долларни ташкил этади. Рейтингнинг иккинчи ўрнида "Лос-Анджелес" ҳужумчиси Сон Хин Мин (11,1 млн доллар), учинчи ўринда эса "Интер Майами" аъзоси Родриго Де Пауль (9,7 млн доллар) бор.

"Ванкувер Уайткэпс" футболчиси Томас Мюллернинг мавсумдаги маоши 5,2 миллион доллар атрофида, "Атланта Юнайтед" ярим ҳимоячиси Алексей Миранчукники эса 5,1 миллион долларга яқин.

Месси 2023 йилдан буён "Интер Майами"да ўйнамоқда. Ушбу клуб сафида у МЛСнинг доимий чемпионати ва плей-офф ғолиби бўлган, шунингдек, Лига кубогини ютиб, чемпион бўлган. Аргентиналикнинг Флорида клуби билан шартномаси 2028 йил охиригача мўлжалланган.