Мейвезер ўзининг ММАдаги илк рақибига таъриф берди

У 2018 йилнинг сўнгги кунида япониялик Тенсин Нацукавага қарши октагонга чиқади. Енгилмас Мейвезер ўзининг октагондаги илк рақиби ҳақида гапирди. 

“У жуда ҳам ёш ва октагонда тез ҳаракат қилади. Энг муҳими, у ҳали мағлубиятга учрамаган. Айнан шу ҳолат одамларнинг жангга қизиқишини яна ҳам оширмоқда. Мен бежизга Японияни танламадим. Кунчиқар юртда ММА жанглари, умуман шоуларни яхши кўришади. 

Мени жанг қонун қоидалари асло безовта қилмаяпти. Яқин икки ҳафта ичида жанг қандай қоидалар асосида ўтказилиши маълум бўлади. Мен шунчаки Японияга бориб, ўз қобилиятимни намойиш қиламан. Асосий вазифам АҚШдан ташқарида жанг ўтказиш эди ва мен ўз ниятимга етиш остонасида турибман”, - деди Мейвезер.

Эслатиб ўтамиз, Мейвезер яқинда RIZIN компанияси билан шартнома имзолаган эди. Келишувга кўра, у MMAдаги илк жангини 31 декабрь куни Япониянинг Саитама шаҳридаги “Saitama Super Arena”да мезбон спортчи Тенсин Нацукавага қарши октагонга чиқади.