27 окт 12:35
Янгиликлар

Бокс/ММА

Мейвезер UFC билан 9 хонали гонорар эвазига шартнома имзоламоқчи

Америкалик енгилмас боксчи Флойд Ме йвезер 9 хонали гонорар эвазига UFC ташкилоти билан шартнома имзолаш истадаги эканлигини маълум қилди.

Флойдга яқин манбанинг хабар беришича, Мейвезер UFC президенти Дана Уайт билан музокара ўтказишга ҳам улгурган. Агар шартнома имзоланса, Флойд Мейвезер аниқ 9 хонали суммага тенг гонорарга эга бўлади.

Унинг Конор Макгрегорга қарши ўтказган жанги америкалик боксчи учун 600 миллион доллар келтирган эди. Бугунги кунга келиб, Хабиб Нурмагомедов машҳурликда Конордан ўтиб кетди.

Агар кутилаётганидек, Москвадаги “Лужники” стадионида Хабиб ва Флойд ўртасидаги бокс жанги ташкил қилинса, у ҳолда Мейвезернинг даромади 1 миллиард доллардан кам бўлмайди.