Мезбонлар 5 та "тилла" билан Ўзбекистон Кубоги соҳиби бўлишди

Уч кун давомида Қорақалпоғистон Республикаси, Тошкент шаҳри ва деярли барча вилоятлардан келган 300 нафарга яқин дзюдочилар татамига чиқишди. Муросасиз беллашувлар якунига кўра, Сурхондарё вилояти терма жамоаси 5 та олтин, 1 та кумуш, 4 та бронза медали билан Ўзбекистон Кубоги соҳибига айланди. 

Иккита олтин, 2 та кумуш, 3 та бронза медалини қўлга киритган Тошкент вилояти жамоаси иккинчи ўринни эгаллаган бўлса, кучли учликка худди шундан натижа қайд этган қашқадарёлик дзюдочилар якун ясаб беришди. 

Қорақалпоғистон, Тошкент шаҳри, Самарқанд, Андижон ва Бухоро вилояти жамоалари сафида бир нафардан чемпион бор.