27 мар 10:10
Янгиликлар

Теннис

Miami Open. Путинцевани мағлуб этган Азаренко 1/2 финалда

"Катта Дубулға" турнирларининг икки карра ғолибаси, дунёнинг собиқ биринчи ракеткаси Виктория Азаренко Майамидаги мусобақанинг ярим финалига йўл олди.

Беларуслик теннис маликаси WTA 1000 тоифасига кирувчи турнирнинг 1/4 финалида WTA рейтингида 68-поғонадан жой олган қозоғистонлик Юлия Путинцевани 7:6 (7:4), 1:6, 6:3 ҳисобида таслим этди.

Дунёнинг 27-ракеткаси бўлиб турган Азаренко 3 соату 45 дақиқа давом этган 1/4 финалда 2 та, Путинцева 5 та эйс зарбани амалга оширган. Майами турнирининг умумий мукофот жамғармаси 8,9 миллион долларни ташкил этади. Унинг амалдаги ғолибаси чехиялик Петра Квитова ҳисобланади.