Мигель Котто: “Ўзимни оқламайман, Али ғалаба қозонди”

Тўртта вазн тоифасида собиқ жаҳон чемпиони кеча Нью-Йоркда америкалик Садам Алига қарши рингга кўтарилиб, очколар ҳисобига кўра рақибига ютқазиб қўйганди.  

“Мен ўз иштирокимдан қониқиш ҳосил қилдим. Еттинчи раундда жароҳат олдим, бу эса ўз таъсирини ўтказмай қолмади. Садам бу жангда ғалаба қозонди. Бу борада ҳеч қандай эътирозим йўқ. Ҳаммага барчаси учун раҳмат. Энди оилам даврасига қайтаман”, – деди Котто.

Эслатиб ўтамиз, ўз вақтида Мигель Котто ўзининг чемпионлик камарини ҳамюртимиз Сидней-2000 Олимпиадаси чемпиони Муҳаммадқодир Абдуллаевдан ҳимоя қилганди. Нью-Йоркдаги афсонавий “Мэдисон Сквер Гарден” аренасида ўтган ўша жанг тўққизинчи раундда тўхтатилган эди. Ҳамюртимизнинг кўзида “гематома” юзага келгани боис Котто техник ғалабага эришганди.