Милан ва Кортина-2026. Медаллар жамғариш бўйича вазият ўзгардими?

Оқ Олимпиаданинг навбатдаги кунги беллашувлари медаллар жамғариш рейтингининг Топ-10`талигига деярли таъсир қилмади. Норвегия спорт делегацияси 7 та олтин, 2 та кумуш, 5 та бронза, жами 14 та медаль билан пешқадамликни давом эттирмоқда. Италия терма жамоаси медаллар сони бўйича норвегияликлардан ўзиб кетишди. Мезбонлар 6 та олтин, 3 та кумуш, 8 та бронза медали билан, фақат медаллар сифатига кўра иккинчи ўринни банд этишган. Кучли учликка АҚШ (4 та олтин, 7 та кумуш, 3 та бронза) терма жамоаси якун ясаган. 

Топ-10`таликдан Германия, Швеция, Швейцария, Австрия, Франция, Нидерландия ва Япония делегациялари жой олган. Жами 14 давлат делегациялари ҳисобида камида биттадан олтин медаль бор. Медалга эга чиққан давлатлар сони 22 тага етди.