14 сен 08:05
Янгиликлар

Бошқалар

Минтақавий антидопинг агентлиги (RADOCA) ҳисобот йиғилишининг очилиш маросими бўлиб ўтди

Ўзбекистон Республикаси Президентининг 2023 йил 8 майдаги "Маъмурий ислоҳотлар доирасида Ўзбекистон Республикаси Миллий антидопинг агентлиги фаолиятини самарали ташкил қилиш чора-тадбирлари тўғрисида"ги ПҚ–149-сонли қарори қабул қилинган эди.

Мазкур қарор билан Агентликка қатор вазифалар юклатилган.

Жумладан, Ўзбекистон Республикаси Миллий антидопинг агентлиги мезбонлигида жорий йилнинг 13-14 сентябрь кунлари бўлиб ўтиши режалаштирилган Минтақавий антидопинг агентлиги (RADOCA) ҳисобот йиғилиши мезбонлиги мамлакатимизга ишониб топширилган эди.

Кеча мазкур нуфузли тадбирнинг очилиш маросими бўлиб ўтди. Унда, Ёшлар сиёсати ва спорт вазири А.Икрамов кириш сўзи билан тадбирни очиб берди. Ўзбекистон Миллий антидопинг агентлиги директори А.Садиков йиғилиш иштирокчиларига мамлакатимизда кўриб турганидан бағоят хурсанд эканлигини билдирди.

Шунингдек, Миллий олимпия қўмитаси Бош котиби О.Касимов, Бутунжаҳон антидопинг агентлиги (WАDА) бош менежери Э.Лукотсиутелар ҳам сўзга чиқиб, тадбир юзасидан илиқ фикрлар билдиришди. Шундан сўнг эсдалик учун суратга тушиш маросими бўлиб ўтди ва сессия ўз ишини бошлади.

Бир вақтнинг ўзида Ўзбекистон Миллий антидопинг агентлиги ходимлари ва Қозоғистон ҳамда Мўғулистондан ташриф буюрган ходимларга Бутунжаҳон антидопинг агентлиги мутахассислари томонидан тренинг машғулоти ҳам ўтказилмоқда.