17 ноя 12:20
Янгиликлар

Бокс/ММА

Мирафзал Ахтамов LFA 172 турниридаги жанги олдидан вазн ўлчаш маросимида иштирок этди, эртага жанг

Аввал хабар берганимиздек, 18 ноябрь тонгида АҚШнинг Аризона штати, Феникс шаҳрида жойлашган "Arizona Financial Theatre" мажмуасида LFA 172 турнири бўлиб ўтади.

Мусобақада ярим ўрта вазн тоифасида ўзбекистонлик аралаш якка кураш устаси Мирафзал Ахтамовнинг (5-0-1) ҳам жанг қилиши ҳақида хабар берган эдик. Ҳамюртимиз ўша куни америкалик Кейт Доусонга (4-4-0) қарши октагонга чиқади. Жанг асосий кард доирасида 3 раунд этиб белгиланган.

Кеча Мирафзал Ахтамов жанг олдидан расмий вазн ўлчаш маросимида иштирок этди ва белгиланган вазн меъёрини бажарди (77,1 кг).

Маълумот учун, Мирафзал Ахтамов иштирокидаги жанг 18 ноябрь, тонгги 8:00 дан сўнг старт олади.