09 окт 09:29
Янгиликлар

Бокс/ММА

Мирзакамол Неъматовнинг камар ҳимоя жангига 10 кун қолди + ПОСТЕР

Аввал хабар берганимиздек, профессионал боксчимиз Мирзакамол Неъматов ўзининг навбатдаги жангини 19 октябрь куни Арманистон пойтахти Ереван шаҳрида ўтказади.

Суперярим ўрта вазн тоифасида ўз жангларини ўтказиб келаётган чарм қўлқоп устамиз ўзига тегишли бўлган WBA Asia East камарини россиялик Асланбек Козаев (34-3-1, 8 КО)дан ҳимоя қилади.

Маълумот учун, Неъматов сўнгги жангини шу йилнинг июль ойида Тошкентда ташкил этилган проф бокс кечасида собиқ жаҳон чемпиони Жулиус Индонгога қарши ўтказганди. Собиқ WBA (2017), IBF ва IBO (2016—2017) йўналишлари чемпионига қарши жанг тўлиқ давом этган ва якунда ҳакамларнинг қарорларига кўра ҳамюртимиз ғалаба қозонганди. Бу ғалаба орқали Мирзакамол вакант бўлиб турган WBA Asia камарига эга чиққанди.