МЛС. Собиқ МЮ футболчилари жамоаларига ғалаба олиб келишди

Аввалига Уэйн Руни ҳаракат қилаётган “ДС Юнайтед” клуби сафарда “Орландо Сити” устидан ғалаба (1:2) қозонган бўлса, кейин 37 ёшли Златан Ибрагимович ўйнаётган “Лос-Анджелес Гэлакси” жамоаси ўз уйида “Портленд Тимберс”ни таслим(2:1) этди. Мазкур баҳслар сўзсиз Руни ҳамда Златаннинг бенефисига айланиб кетди.

Сабаби, англиялик 33 ёшли футболчи ўткир бурчакдан жарима зарбасини қойилмақом тарзда амалга оширган ҳолда “ДС Юнайтед”нинг ғалабасига ўз ҳиссасини қўшди. Швециялик форвард эса 2та пенальтини дарвозага аниқ йўллаб, жамоасига уч очко тақдим этди. Қайд этиш жоизки, Златан 11 метрлик нуқтадан амалга оширган зарбаларидан бирини Паненка услубида бажарди.