03 дек 07:37
Янгиликлар

Бокс/ММА

ММАчиларимиз Москвадаги турнирда ғолиб бўлишди

Россия пойтахти Москва шаҳрида аралаш қоидалар бўйича халқаро турнир бўлиб ўтди.

ММА FMR Fighting Championship мусобақасида мезбонлардан ташқари Ўзбекистон, Озарбайжон, Афғонистон, Тожикистон, Грузия, Арманистон, Қирғизистон давлатларидан жами 26 нафар спортчи иштирок этди. Жанглар 57, 61, 65, 70, 73, 77, 84 ва 93 кг вазн тоифаларида ўтказилди.

Ҳамюртларимиздан 70.3 кг вазнда Суннат Дамидов ҳамда 93 кг вазн тоифасидаги Баҳодир Холмуродов финалда жангсиз ғолиб бўлишди. Уларнинг рақиблари грузиялик Кверселав Тамаза ҳамда россиялик Михаил Хохлов финал жангида октагонга чиқишдан бош тортишди.