16 апр 19:13
Янгиликлар
Теннис
Монте-Карло. Зверев - Синнер ўртасидаги ярим финал чиптаси учун кечган баҳс 3 соат давом этди
Монте-Карлода бўлиб ўтаётган мавсумнинг навбатдаги "Мастерс" турнири ўзининг қизғин палласига кириб улгурди.
Жаҳоннинг учинчи ракеткаси, германиялик Александр Зверев турнирнинг чорак финалида АТР рейтингида 12-ўринни эгаллаб турган италичлик Янник Синнерга қарши баҳс олиб борди.
3 соату 5 дақиқа давом этган учрашувда Зверев рақибини 5/7, 6/3, 7/6 ҳисобида мағлуб этиб, турнирнинг ярим финалига йўл олди. Ўйин давомида Александр 5 та эйс, 6 та қўш хато ва 5 та брейк қайд этган бўлса, Янник 3 та эйс, 5 та брейк қайд этиб, 3 бор қўш хатога йўл қўйди. Спортчиларнинг ўзаро учрашувларида ҳамон германиялик теннисчи олдинда, 3:1.
Зверев Rolex Monte-Carlo Masters турнирининг ярим финалида Стефанос Циципасга қарши баҳс олиб боради.
Эслатиб ўтамиз, Стефанос Циципас турнирнинг амалдаги ғолиби ҳисобланади.
Ҳавола :
Манба : gotennis.ru
Фикрлар