UZ

Сўнгги янгиликлар

16:30Мендес Хабибни мағлуб этишга қодир жангчи номини айтди 0 16:09“Пекин-2022” делегациялари раҳбарларининг семинари онлайн тарзда ўтказилади 0 15:48Хабиб айни пайтда неча килограмм вазнга эга? 0 15:27Роналду "Реал" президенти Перес билан учрашув ўтказди 0 15:06Жон Жонснинг кимга қарши жанг қилиши маълум 0 14:45Дастин Порье: Конорни биринчи раундда нокаут қилишга тайёрман 0 14:24Конор Aбу-Дабида шайхлардек яшамоқда + ФОТО 0 14:03Элдор Шомуродов: "Ўтган кунни тезроқ унутишга ҳаракат қиламан" 0 13:42Хабиб барча даврларнинг энг яхши жангчиси ҳақида гапирди + ФОТО 0 13:21Наманган вилоятида спортни ривожлантириш масалалари муҳокама қилинди 0 13:00Уайлдер навбатдаги жангини собиқ чемпионга қарши ўтказиши мумкин 0 12:39"Бенфика"да коронавирусга чалинган 18 киши бор 0 12:18Ўзбекистон крикет жамоаси Ханчжоу-2022 Осиё ўйинларида иштирок этишни режалаштирмоқда 0 11:57Усик Жошуа - Фьюри жангига рози бўлиши учун қанча гонорар хоҳлаяпти? 1 11:36"Мақсад? UFС камари!" 0

12 авг 17:01
Янгиликлар

Тадбирлар

МОҚ Бош котиби Жасур Матчанов Хитойда Ўзбекистон спорт делегацияси ҳамкорлари билан учрашди

Теглар :  Жасур Матчанов
Ўзбекистон спорт делегацияси XVIII Осиё ўйинлари давомида Хитойнинг «QIERTE Co. Ltd» компанияси томонидан тақдим этилган "PRES-JOG" бренди остидаги спорт экипировкаларидан фойдаланади.

Ўзбекистон Миллий олимпия қўмитаси илк маротаба Осиё ўйинлари учун спорт кийимлари ишлаб чиқарувчи компания билан ҳомийлик асосида келишувга эришди. Одатда бундай шартномалар Олимпия ўйинлари учун имзоланарди. Бу сафар эса қитъамизнинг тўрт йилликдаги энг нуфузли мусобақасида Ўзбекистон билан ҳамкорлик қилиш, ўз брендини мамлакатимиз спорт делегацияси орқали реклама қилиш истагида бўлган хорижий компаниялар етарлича топилди. Узоқ давом этган муҳокамалардан сўнг айнан Хитойнинг "PRES-JOG" бренди танланди. Бунда ҳар томонлама қулайлик, дизайн, мусобақа ўтказиладиган жой иқлими ва бошқа масалалар ҳам ҳисобга олинди. Қайд этиб ўтиш лозимки, компания томонидан саккизта спорт тури бўйича юртимиз шарафини ҳимоя қиладиган спортчилар учун махсус спорт кийимлари ҳам тайёрлаб берилди.

Куни кеча Хитойда мазкур ҳамкорлик юзасидан "PRES-JOG" брендининг тақдимоти ўтказилди. Унда Ўзбекистон Миллий олимпия қўмитаси томонидан Бош котиб Жасур Матчанов иштирок этди. Тадбир давомида икки томонлама ҳамкорликнинг келажак учун режалари, кейинги мусобақаларга ҳам ҳомийлик масалалари, ўзаро алоқаларини янада мустаҳкамлаш, Ўзбекистон футбол ассоциацияси билан ҳам келишувга эришиш, навбатдаги лойиҳаларнинг янада мукаммал кўринишга келиши бўйича фикрлар билдирилди. Ушбу ҳамкорликнинг навбатдаги босқичи доирасида Тошкентда ҳам ана шундай тақдимот маросими ташкил қилиш режалаштирилди.

Катта тадбирда 3000 нафардан зиёд меҳмон қатнашди. Унда Ўзбекистон спорт делегацияси либослари тақдимотидан ташқари мазкур компания томонидан ишлаб чиқарилган бошқа либослар ҳам намойиш этилди.

Маълумот учун, "PRES-JOG" янги бренд ҳисобланади ва шу йил баҳорда АҚШдаги машҳур "Times Square"да ўз тақдимотини ўтказди. Компания Европа ва Осиё бозорига кириб келмоқда. Тез орада мазкур қитъалар бўйлаб тур уюштиради ва сентябрь ойида Ўзбекистонга ҳам ташриф буюради.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг