МОҚ президенти халқаро машғулотга ташриф буюрди, Ришод Собиров ҳам ФОТОГАЛЕРЕЯ

Ўзбекистон дзюдо федерацияси қошидаги Дзюдо марказида ўтказилаётган машғулотлар кунига икки маҳалдан ташкид этилаяпти. Куни кеча Ўзбекистон Миллий олимпия қўмитаси президенти Рустам Шоабдураҳмонов яна бир бор халқаро машғулотни томоша қилиш учун келди. Унга МОҚ президенти маслаҳатчиси Назиржон Худойқулов ҳамроҳлик қилди. Рустам Мавзурович Ўзбекистон дзюдо федерацияси раиси Азизжон Камилов билан ўтказилаётган машғулотлар, меҳмон дзюдочиларга яратилган шароитлар масаласида суҳбатлашди.   

Шунингдек, олимпия ўйинларининг уч карра бронза медали совриндори, икки карра жаҳон чемпиони, Осиё чемпиони, қатор нуфузли мусобақалар ғолиб ҳамда совриндори, давлат мукофотлари соҳиби Ришод Собиров ҳам Дзюдо марказига келди ва ўзи ҳам бевосита машғулотларда иштирок этди. Машғулот сўнггида Рустам Шоабдураҳмонов грузиялик дзюдочилар билан эсдалик учун суратга тушди.