11 окт 14:13
Янгиликлар

Футбол

Моуриньо "Вильярреал" билан ўйиндан сўнг матбуот билан мулоқот қилишни рад этди. Нега?

"Реал" бош мураббийи Жозе Моуриньо Испания чемпионатининг саккизинчи туридан ўрин олган "Вильярреал"га қарши ўйиндаги ғалабадан сўнг (1:0) журналистлар билан мулоқот қилишни хоҳламади.

Журналист Абраам Ромеронинг маълумотига кўра, мутахассис клуб ичида ўз қарорини эҳтимолий санкциялардан қочиш истаги билан тушунтирган.

Португалиялик мутахассис матбуот анжуманида ҳакамлик ва Ла Лига ҳақида ноўрин гапларни гапириб қўйишдан чўчиган ва шу сабабли ўйиндан кейин ташкил этиладиган матбуот анжуманига боришни истамаган. Ўйиндан кейинги матбуот анжуманида Моуриньони ҳеч ким алмаштирмади.