10 янв 13:10
Янгиликлар

Теннис

Мугуруса тўртинчи матчболдагина Бертенсни мағлуб этди

Австралиянинг Сидней шаҳрида ўтказилаётган теннис бўйича WTA таснифидаги турнирда чорак финал иштирокчилари маълум бўлмоқда.

Турнирнинг биринчи ракеткаси испаниялик Гарбинье Мугуруса иккинчи даврада голландиялик Кики Бертенсни 1 соату 48 дақиқа давом этган баҳсда 6:3, 7:6 (8:6) ҳисобида мағлуб этди.

Дунёнинг собиқ биринчи рақамли теннис маликаси тўртинчи матчболдан кейингида учрашувни ўз фойдасига ҳал қила олди. Энди Мугуруса ярим финал чиптаси учун Дарья Гаврилова (Австралия) - Саманта Стосур (Австралия, WC) баҳси ғолибига қарши кортга чиқади.