Муроджон Аҳмадалиев WBA камарининг ҳимоя жангини ўтказди

АҚШнинг Атлантик Сити шаҳрида ўтказилган жангда ҳамюртимиз америкалик Исаак Заратега қарши рингга кўтарилди. Аҳмадалиев 10 раундга мўлжалланган жангда ўзига тегишли бўлган WBA Inter-Continental Super Bantamweight Title чемпионлик камарини ҳимоя қилди. Боксчимиз жангни фаол ўтказди ва тўққизинчи раундга келиб рақибини нокаутга учратди.

Маълумот учун, Аҳмадалиев профессионал фаолияти давомида бугунгиси билан қўшиб ҳисоблаганда беш маротаба рингга чиққан ва уларнинг барчасида ғалаба қозонган. Жангларининг тўрттасини у нокаут эвазига ўз фойдасига ҳал қилган.

Америкалик 27 ёшли Зарате эса 23 та жанг ўтказиб, 16 та ғалабага эришган. Учта жангда дуранг қайд этилган ва яна 4 та баҳсда мағлубиятга учраган.