24 июн 10:28
Янгиликлар

Бокс/ММА

Муроджон Аҳмадалиевнинг Ронни Риосга қарши жанги Ўзбекистон ҳудудида трансляция қилинади(ми?)

Бизнинг вақт билан 26 июнь тонгида ҳамюртимиз Муроджон Аҳмадалиев Ронни Риосга қарши ҳимоя жангини ўтказади.

WBA ва IBF камарлари соҳиби бўлиб турган Муроджон Америка Қўшма Штатларининг Техас штатида ўзинининг навбатдаги ҳимоя жангини ўтказади. Биздаги хабарларга қараганда, жанг Ўзбекистон ҳудудида "Спорт" телеканали орқали эфирга узатилади.

Чемпионлик жангининг бошланиши Тошкент вақти билан 26 июнь тонгига тўғри келмоқда. Аниқ вақт эса жангга оз вақт қолганида эълон қилиниши кутилмоқда.

Эслатиб ўтамиз, Муроджон Аҳмадалиев сўнгги бор 20 ноябрь куни, ХосеВеласкесга қарши ҳимоя жангини ўтказган эди.

Аввалроқ, Стивен Фултон ҳамюртимизга "вызов" ташлагани ва Муроджоннинг мухлисларига миннаддорчилик билдиргани ҳақида хабар берган эдик.